يالالاللي

في اطار التعاون المشترك بين مدونة مقاومة ومدونة يالالاللي

واستكمالا لعمل الامس

نقدم اليكم بالصور تفاصيل يوم عرض الـ 30 معتقل من شباب الحركات الوطنية علي نيابة الجلاء والذين اعتقلوا اثناء توجههم لميدان التحرير للمشاركة في المظاهرة التي اقيمت يوم 15/3 لرفض التعديلات الدستورية

الجميع بدا التوافد علي المحكمة منذ العاشرة صباحا 

وبدأ الترقب والذي دام لثمانية ساعات متصلة

الباشا رئيس المباحث ذي القمر في البدلة الرمادي ام صفين زراير

سيارات الامن المركزي والتي اصبحت تشاهد في شوارع العاصمة اكثر من السيارات الـ 128

ودول بقه لزوم الشغت

وسيادة اللواء بنفسه بيرصهم

صورة عامة لشارع المحكمه من اعلي كوبري الجلاء اثناء جولة استكشافية للكوبري استعدادا للمفاجأة الكبري

ترقب … ودعاء

ومشادات مع الامن

المزيد

في اول تعاون بين مدونة ياللالاللي ومدونة مقاومة

قمت انا والزميلة سارة صاحبة مدونة مقاومة بالتقاط هذه الصور بكاميرا أستعرناها من واحد صاحبنا وحاولنا ان نسجل بالصور لحظة بلحظة ما حدث في مظاهرة 15/3 بوسط البلد

الجميع يتوجه للمظاهره

وبالتاكيد الامن هو الاخر

اليوم كان باين من اوله

التجمع … تظاهر من البلكونة 5 ودخلوا تاني

عبد القدوس الذي لا يغيب عن اي مظاهره

أيه السواد ده ؟

وحتي رموز العمل حضرو

المسيري بعد ان استطاع اقتحام الكردون

 متخفوش هتشوفوا السواد ده كتير

عبد القدوس والمسيري وعلم مصر

تابع السواد

لا للتمديد لا للتوريث لا للتعديلات

المسيري

علي غير موعد … كان التجمع في التجمع

اعضاء الناصري يتفرجون

المراسلون والمدونون يعملون

مش عارف بيبص ليا ليه …يمكن معجب

صناديق انتخابات الناصري نازله … شفتوا الروقان

الضرب اشتغل … ايه يعني مه شغال من الاول اصلا

المسيري يلقي بيان اليوم

عم الحج …أه يا عم الحج

المزيد

 بالتاكيد وأن شاء الله عنوان الخبر ده مش صحيح بالرغم من ان اغلبنا يتوقع سماعه قريب وقريب جدا بسبب سياسة الاعتقلات التي تتبعها الاجهزة الامنية هذه الايام 

 انا بس قصدت بيه هنا عمل نوع من انواع المحاكاة للي ممكن يحصل في البلد لو ده حصل

الاخوان ممكن يعملوا ايه ؟ وهيتحركوا اذاي ؟

طبعا اجابة السوال ده معروفة وان القبض علي المرشد خط أحمر لا يمكن تجاوزه باي شكل من الاشكال

طيب السوال هنا وايه رد فعل الجماعه علي اعتقال المئات منهم في الفترة الاخيرة ؟؟

وليه ميكنش عالاقل نص الرد المتوقع عند القبض علي المرشد ؟؟

من وجهة نظري المتواضعه جدا أن الاخوان لا يجب ان يفرقوا بين القبض علي المرشد العام والقبض

المزيد

الزملاء الاعزاء
قمت بارسال هذه التدوينه للزميل وائل عباس صاحب مدونة الوعي المصري عبر البريد الالكتروني ووكان هذا رده

"مين ده يا عم ووزنه ايه
ده واحد ابن آوى من آكلي الجيف في عالم المدونات
ذبابة بتعف على عالم التدوين
ربنا يهديه ويعرف ان الاسلام مش هو النقاب
وان اللي يحبس كريم الكافر بكره يحبسه على اهون سبب
عالم متطرفة ولاد كلب جابونا لورا"
أشكر الزميل وائل عباس علي رده الرقيق
—————————————————————————————
لا ينكر اي مدون مصري فضل بعض قدامي المدونين المصريين علي العملية التدوينية واعطائها الزخم والصيت اللتان تتمتعان به الان في مصر .
ولهذا فانني ااسف علي ما ساقوم بكتابته في هذا المقال ولكنها الحقيقة التي يجب ان نواجهها ، فقد اصبح من الواضح بعض رواد التدوين في مصر خرجوا عن مبادئهم واهدافهم التي دونوا من اجلها واصبحوا يدونون من اجل اشياء اخري مثل الشهرة أو حتي المال ، وفي حال افتقاد الساحه الي حدث جذاب مثل أحداث التحرش او كليبات الشرطة فانهم لجاوا لخلق القضايا ببعض التدوينات التي اقل ما توصف انها لا تطابق معاير العمل الصحفي مخالفه مخالفة صريحة لميثاق الشرف الصحفي .
أكثر من تدوينه ظهروا هذا الاسبوع بنفس الهدف الاولي من مدونة كبير مدوني مصر تنين العمرانية البمبي علاء سيف .
فعلاء الذي يعرف كل مدون مدي تاثيرة في مجال التدوين ومدي اهميته ويعلم جميعنا ما يمثله مدونة منال وعلاء للمدونين الشباب ليس في مصر فقط ولكن في العالم العربي كله .
مدونة علاء خرجت علينا بتدوينه تحمل توقيع علاء عن البهائية وقضية كريم

المزيد

المزيد

المزيد

صباح الفل علي اجدع شعب ملوش سيرة غير التعديات قصدي التعديلات الدستورية الي من بيها علينا الريس الميمون محمد حسني مبارك .

صباح الفل علي الشعب الي لسه فاكر ان الخلاص من ايدي الظالم هيجي علي ايد الظالم - شفت الذكاء ؟؟ - والي فاكر ان الحرامي ممكن يبطل سرقه كده لوحده ، طب يبطل ليه مدام مفيش بوليس بيجري وراه ولا حد حتي بيقوله عيب كده او حتي كخ .

اليوم انا هتكلم عن التعديلات الدستورية وبالتحديد مادة 1 الي هي ناوين يعدلوها عشان يدخلوا المواطنه .

مبدايا انا مع المواطنة جدا وليا اصحابي كتير مسيحين - واخد بالك يا حاج جرجس بصيتك اهو - ومع انهم يتولوا المناصب العليا مدام كفاءة يعني انا مع المواطنة قلبا وقالبا يعني مفيش مشاكل  .

المشكله بقه في موضوع المواطنة والمادة التانية من الدستور ، انا طبعا مع بقائها ، واخوانا المسيحين اختلفوا حوليها وده امر طبيعي لاننا بشر لازم نختلف ، لكن كون ان البابا شنوده يقول انا لست مع تغيير الماده وتتقلب الدني

المزيد

في مثل هذه الايام ومنذ مئة عام ولد مجدد هذا القرن

أنه الامام الشهيد حسن البنا

يجهل الكثير منا سيرة الامام وحياه

ولكل هولاء اهدي اليهم هذا العرض التقدمي البسيط

ومادة العرض ناخوذه من كتاب " الرجل القراني… حسن البنا " للكاتب الامريكي "  روبير جاكسون "

المزيد

أخيرا  الغمة اتكشفت عن طلاب الازهر الاحرار - عقبال ما تنكشف عن البلد كلها يارب - أخيرا وبعد طول انتظار خرج الاحرار من جوه سور السجن .

بس ياتري خرجوا ناوين علي ايه ؟؟؟

أنا مكنتش معاهم عشان اعرف

بس الي اعرفه كويس ان اي حر واي مناضل لما يتسجن بيخرج أصلب واقوي وعنده عزيمة محصلتش ع

المزيد

في واحده من ارخم المحاضرات التي حضرتها في حياتي - وما اكثرها وخصوصا ان كانت في الفيزياء - وبالرغم من انها لم تكن عن الفيزياء ، وكما هي هوايتي المفضلة وهي تاليف القصائد في مثل تلك المحاضرات ولدت هذه القصيده الالمعية الجهبزية الخزعبلية .

حين رايت الشمس يوما

عرفت معني الامل

حين رايت الشمس يوما

أيق

المزيد

شايفين الصورة الي جنب الكلام ده ؟؟

ده صورة لشويه ناس … عادي يعني

بس الي مش عادي الي جاي

الصورة ده فيها كوكتيل غريب جدا مستحيل يتجمع في مكان واحد

الصورة فيها 13 واحد بيكرهو الرئيس مبارك وابنه وعيلته وحكومته مع ان فيها 5 بيحبوه جدا - تصوروا لسه حد بيحبه - والصورة برده فيها 3 مش فارق معاهم مبارك قوي .

الصورة فيها 4 حزب وطني و 5 اخوان و 2 كفاية 3 وفد وواحد غد و 4 يساريين ويمكن فيها مخبر بس انا مش متاكد، فيها واحد ويمكن اكتر زعلان ومضايق مبتسم اه ذي كل الي في الصورة بس هو من جوه بيبكي ، فيها المبتسم رغم ان مفيش في جيبه غير 2 جنيه يا دوب يروحوه والتاني الي مش عارف اخر الشهر هيروح فين لما يطرد من الشقة الي ساكن فيها ، الصورة فيها واحد كان نفسه حد تاني يبقي معاه في الصورة وواحد كان نفسه يعمل قرون لصاحبه الي معاه ف

المزيد

الدموع هي لغة المظلوم … صرخة المستضعف … وسيلة من لا وسيلة له للتعبير عن حزن أو غضب أو ثورة أو حتي فرح .

وعندما تكون الدموع دموع طفل صغير لسه مفهمش من الدنيا كتير لازم هنا اقف واقول لا .

لازم اقول عذرا يا انس … فانا لم استطع ان اجفف دمعك السائل علي وجنتيك .

لم استطع ان ارفع عنك الظلم … لم استطع ان اخفف الامك .

صغيري … ماذا ستقول فينا امام ربك ؟؟

هل ستقول هولاء من تركوي ابي يقبع خلف تلك الاسوار من دون اي ذنب ؟؟

هل ستقول ياربي انتقم لي من كل من لم يحرك ساكنا لفك اسر ابي البرئ ؟؟

أم ماذا ستقول عنا ؟

لست ادري ولكن

المزيد

في فلسطين اليوم اصبحنا نشاهد مشهدين مختلفين

الاول في قطاع غزه ، فبعد اتفاق مكة وتوقف الاقتتال الداخلي بين فتح وحماس خرج الالاف الفلسطنيين الي الشوارع يطلقون زخات الرصاص ويرقصون فرحا بالاتفاق علي تشكيل حكومة وحده وطنية .

وفي المقابل في الضفة الغربية خرج الالاف ايضا يعلنون عن غضبهم من اعمال الحفر في المسجد الاقصي بجوار باب المغاربه ,

الصورتان تبدوان للوهلة الاولي متناقضتان فهنا فرح وهنا حزن وغضب ، هنا رقص وهنا قتال ودم .

لحاد هنا وكفاية كلام الي حاسس انه منقول من نشرة الجزيرة ونتكلم بقه بالطبيعي بتاعنا .

بصراحة يا شباب انا اكيد سعيد من اتفاق مكة وهطير بيه كمان بس الي فرحان بيه اكتر - ومتفهموش غلط- الي بيحصل في القدس من اعمال حفر وغيرها .

انا شايف ان ذي ما اتفاق مكة جمع الاخوة الاعداء - الي هما فتح وحماس- فان اعمال الحفر جمعت كل الفلسطنين لا والعرب كمان والمسلمين

لازم كلنا نفهم ان البشر اهم من الحجر حتي لو كان الحجر هو المسجد الاقصي … انا شايف ان توحدنا بالذات في فلسطين اهم من 100 اقصي بالرغم من حبي الشديد للاقي وتعلقي به .

أخير

المزيد

قادني حظي العثر لحضور حفل خطبة أحد اصدقائي المقربين في محافظة المنوفية بشمال مصر .

ومحافظة المنوفية لمن لا يعرفها هي محاظة الحكومه ، فالرئيس وولي عهده من قرية كفر مصيلحة بالمنوفية وكمال الشاذلي وأحمد عز -رجال الحزب الكبار - من المنوفية ونواب عنها بالبرلمان كما ان اغلب روساء وزراء مصر ووزرائها وموظفيها الكبار من المنوفية - تقدرو تقولوا انها سبب البلاوي الي احنا فيها ده - .

وفي الطريق الي حفل الزفاف مرت السيارة بشوارع المحافظة لاحظ عدد كبير جدا من لفتات التأييد الغريبة جدا للرئيس مبارك ، فلافتات التاييد في مصر معروفه ومشهورة وتكون غالبا من قبل جهات حكومية او اعضاء مجلس

المزيد

كلنا بنعاني من وضعنا الراهن ، كلنا مش راضين عن حالنا ، كلنا شايفين اننا مظلومين من الي فوق

، من أول اسم النبي حارسه وصاينه سياده الرئيس الي اسم النبي حارسه برضه أمين الشرطة ، ومش عارفين نعمل مع العالم دول ايه ، بس انا بقه عرفت واتعلمت عارفين من مين ؟؟ من بنات جامعة حلوان .

الموقف الي هحكيه دلوقت هو موقف حدث بالفعل في جامهة حلوان بداية العام الدراسي الحالي وقد وفقني الله لكي اكون شاهد عيان علي ما حدث وذلك بسبب عملي كمراسل لموقع اخوان جنوب القاهرة بالجامعه .

الاحداث بدأت باصدار رئيس الجامعه الدكتور عبد الحي عبيد قرارا فذ بمنع سكن الطالبات المنتقبات بالمدينة الجامعية والسبب - من وحهة نظره - حماية الطالبات ، علي فكره انا مبهزرش هو ده الي قاله بجد ، سياده الدكتور خايف ان حد يتسلل في ذي منقبة مع ان جامعة حلوان الجامعه الوحيدة المعروفة لي التي تعمل بها مشرفات امن من السيدات مهمتهم كشف وجه التيات المنتقبات للتاكد من هويتهم عند دخولهم للجامعه أو المدينة الجامعية .

المهم الدنيا اتقلبت وزير التعليم العالي طلع وقال انا مع قرار عبيد والي هيسكن عنده منتقبات يتحمل المسولية - قصد

المزيد

في اطار عملي واهتمامي بقضايا الجامعات المصرية وقضايا الطلاب داخل الجامعات المصرية  وأثناء إعدادي لعمل حول الانتهكات المرتكبة ضد طلاب جامعات القاهرة الاربع في فترة الفصل الدراسي الماضي حاولت اجراء بحث علي مواقع منظمات حقوق الانسان - والتي اشرف بكوني احد الناشطين في احداهم - حول البينات التي اصدرتها هذه المنظمات حول قضايا الطلاب وبالاخص قضية أعتقال 180 طالب من طلاب جامعة الازهر علي اثر احداث العرض الرياضي بالازهر ، وكانت فاجعتي في انني لم اجد الابيان واحد واحد هزيل جدا حول هذا الامر والذي كان ملا سمع وبصر مصر كلها في حين انني وجدت العشرات من البيانات التي تتناول قضية المدون المصري كريم عامر (أو عبد الكريم نبيل سليمان ) .

وبدون الخوض في تفاصيل قضية كريم ودون الخوض ايضا في معتقداته - ويكفي الاشارة هنا الي أنه وصف نفسه بالالحاد في اكثر من مقال له - فمن حق اي واحد اي يعتقد في اي شئ لانه وحده سيتحمل نتيجه اعتقاده يوم الحساب ، ولكن ما احب التركيز حوله هو دور منظمات حقوق الانسان والقضايا التي تتبناها .

فهمل من العقل والمنطق ان تصدر عشرات البيانات من عشرات المنظمات المصرية والعربية وا

المزيد

قادني حظي السعيد بصفتي صحفي باحد مواقع الانترنت بداية هذا العام الدراسي الي جامعه حلوان لمتابعة انتخبا الاتحادات الطلابية بها وشاهدت بعيني راسي كيف تم اغلاق مكاتب رعاية الشباب لمنع الطلاب من سحب اوراق الترشيح ةكيف تم تزوير الانتخبات وكيف ايضا لم يسكت طلاب الجامعه من اخوان وحركات وطنية اخري علي ما حدث وككل الجامعهات المصرية نظموا انتخبات اتحدات حرة بالجامعه أما ما تميزت به جامعه حلوان هو يوم الكوسة ويوم الكوسة أعتقد أنه من اكثر وسائل الاعتراض عبقرية في العام الماضي لما احتواه من خفة ظل وتوصيل رسالة قوية لكل من طلاب الجامعه والعمداء ورئيس الجامعه ، ولكن بالطبع لم تسكت ادارة الجامعه علي هذا ففي الاسبوع الماضي قامت ادارة الجامعه بفصل 30 طالب من طلاب الاخوان بالجامعه لمدد تتراوح من عام لثلاثة اعوام والتهمة هي تنظيم انتخبات اتحاد حر .

ولهذا السبب ولاجل 30 طالب هم من احرار هذا الوطن ساعيد نشر مقال كان قد نشر لي علي موقع اخوان جنوب القاهرة

طلاب جامعة حلوان يحيون يوم الكوسة

المزيد

خرجت علينا المصري اليوم اليوم - واللي اصبحت تنافس الجزيرة في التنكيد علي خلق الله بس عالمستوي المحلي اكتر - خرجت علينا بخبرين وبالتحديد من صفحة الحوادث الخبرين لازم يقف معاهم اي واحد ممنا وقفه كبيرة جدا .

الخبر الاول عن انتحار مجند أمن مركزي اسمه امير،  امير شاب ذي نص مليون شاب بيخدموا في الامن المركزي فلاح من قرية من قري مصر ومش متعلم قاده حظه العثر للخدمه في الامن المركزي كان متصور أنه بكده هيخدم وطنه امير انتحر لسبب بسيط قوي قال ايه سوء معاملة العقيد قائد كتيبته له … شفته السبب هين اذاي ، هاتلي عسكري امن مركزي في مصر بيتعامل معامله كريمه مع العلم ان امير كان في منطقة هاديه جدا وهي المحلة الكبري يعني المظاهرات علي قدها والشغل عالديق .

أمير كان عنده عيب خطير انه بيحس وده باعتراف امه مش كلامنا امه

المزيد

المزيد

يمكن فيه ناس منك بيحبوا الاخوان وناس مش بيطقوهم ، ناس بتحب المعارضة وناس تبع الحزب الوطني الحاكم - قضاء ربنا - يمكن نختلف بس الي بيجمعنا في الاخر حب البلد الجميل ده مصر .

الي هكتبه دلوقت ده ملوش علاقة انا بحب مين وبكره مين الي هكتبه ده عشان انا بحب مصر وبس .

في الفترة الاخيرة اعتقلت الداخلية عدد من قيادات الاخوان المسلمين بتهم قديمة ذي الانضمام لجماعه محظورة وعقد اجتماعات سرية . ….الخ - قال يعني لسه مكتشفين الاكتشاف الالمعي ده دلوقت - وشوية تهم جديده ذي غسيل الاموال - وانا مستعد احلف ان الضابط الي قبض عالناس ده ميعرفش يعني ايه غسيل اموال اصلا - وكالعادة دايما جت الاعتقلات في قيادات الجماعه في فئة دكاترة الجامعات - مش عارف ليه علي طول دكاتره كده - وذاد عليهم فئة رجال الاعمال المرة ده .

المهم انا دورت وراء الشخصيات المعتقلة وبجد انا صعقت من الي عرفته .

انا هتكلم عن شخصيتين بس من المعتقلين الاول هو الدكتور خالد عبد القادر عوده استاذ الجيولوجيا بكلية العلوم جامعه اسيوط والغريبة اني مكنتش اعرف عنه حاجه بالرغم من اني طالب في كلية العلوم بس فيزياء وكنت فاكره دكتور عادي من بتوع المذكرة والامتحنات والمحاضرات المملة والكلام ده بس لما دورت اكتشفت غير كده .

أذن فمن هو خالد عبد القادر عوده ؟ سيبكم من انه ابن الشهيد عبد القادر عوده اول شهيد في صوف الجماعه والقيادي التاريخي فيها وخلينا فيه هو شخصيا .

الدكتور خالد هو نائب رئيس فريق بحثي دولي يعمل تحت اشراف " اللج

المزيد

من الواضح أن وزارة الداخلية قد تبنت هي الاخري شعار الحزب الوطني المتمثل في الفكر الجديد .

ففي خلال احتفال الوزراة باعيادها لهذا العام خرج علينا احد عباقرتها وهو اللواء محمد عبد الفتاح عمر وكيل لجنة الدفاع والامن القومي في برنامج 90 دقيقة ومن خلال مداخلة تلفزيونية ليوكد انه علم علم اليقين ان سفاح المعادي من الاخوان .

والفكر الجديد هنا يتمثل بالطبع في تخلي الوزارة عن حجة المختل اياها ( فاكرينها طبعا ) ولوجوئها لحجة اخري وهي ان الفاعل اخوان والواضح اننا سنشهد مثل تلك الاته

المزيد

لو كنت من الناس الي غاوين حرقة دم وبتحب السياسة فانت اكيد من المتابعين لفيلم التعديلات الدستورية ، ومش عارف ليه انا كل ما ما اتفرج علي تصريح حولين الموضوع ده سواء من الحكومة او الرئيس او المعارضة او حتي الاخوان أو كفاية علي طول بفتكر الزعيم عادل امام في مسرحية الواد سيد الشغال وهو قاعد في المط

المزيد